Jarduera guztiak desberdinak dira; arkitektura guztiak ere bai. Hori dela eta, Laecorrek xehetasunez aztertzen du kasu zehatz bakoitza. Kontua ez da edozein material instalatzea, kalitate bikainekoa bada ere. Horrek ez du ezertarako balio ez badugu kontuan hartzen barrutiak zer ezaugarri akustiko dituen eta nola erabiliko dugun. Proposamen pertsonalizatuak egiten ditugu beti, zugan pentsatuz eta 20 urtetik gorako gure esperientzia aintzat hartuta.
Aisialdiko lokaletan, alderdi akustikoak hiru motatako erabiltzaileei eragiten die: enpresaburuei, langileei eta bizilagunei. Hala, batetik, enpresaburuen helburua da soinu-ekipamenduak espero den kalitatekoak izatea, bezeroei onena eskaini ahal izateko. Bestetik, langileek orduak emango dituzte dardara dagoen giro batean, eta horrek sortzen duen estresak agian eragina izango du haien osasunean. Azkenik, baliteke zaratak bizilagunekiko elkarbizitza oztopatzea.
Talde horietako bakoitzaren beharrei erantzuteko eta toki bakoitzeko ordenantzak betetzeko, soinua erreproduzitzeko gailuren bat (irratia, telebista, hari musikala, musika-ekipoa, etab.) duten ostalaritzako eta ikuskizun publikoetako jarduerek soinua mugatzeko sistemaren bat instalatu behar dute ezarrita dauden mugak betetzeko.
Horrez gain, hala eskatzen badiguzu, ekipamendua optimiza dezakegu, soinuak estaldura eta kalitate handiagoak izan ditzan, baina beti arauak gordez.
Nahiz eta Estatuan eta Europan badagoen zaratari buruzko legeria orokorra, zuzenean aplikatu beharreko eskakizun espezifikoak autonomia-erkidego bakoitzak ezarri ohi ditu batzuetan, baina, batez ere, udal bakoitzak. Udalak du herrian onartuko diren gehieneko balioak ezartzeko eskumena. Hori dela eta, zure udalerrian zarataren arloan indarrean dagoen ordenantza kontsultatzea gomendatzen dizugu, gerta baitaiteke toki batean onartuta dagoena beste batean zigorgarria izatea. Zure herrian ez badago udal-ordenantzarik, autonomia-erkidegoko araudia kontsultatu beharko duzu.
Hauek aurkituko dituzu udal-ordenantzetan:
ostalaritzarako, aisialdirako eta jatetxeetarako ingeniaritza akustikoko azterketak eta proiektuak
