Soinu ez-artikulatua, normalean desatsegina
Giza jarduerek eragindako zarata; ondorio negatiboak izan ohi ditu izaki bizidunen entzumenean, osasun fisikoan eta buru-osasunean.
Hainbat zarata-iturriren ondorioz gune jakin batek zaratarekiko duen esposizioaren irudikapen kartografikoa. Zarata-mapei esker, kutsadura akustikoarekin erlazionatutako neurri zuzentzaileak har daitezke, bereziki esposizio-mailek ondorio kaltegarriak izan ditzaketenean pertsonen osasunean.
Soinu-kate osoan eragina duen eta musika-ekipo batek sortutako presio-maila kontrolatzeko aukera ematen duen gailua, zeina zaratari buruzko arauek baimendutako mailak gainditu ez daitezen jartzen baita.
Nagusiki airearen bidez zabaltzen den zarata. Gure ahotsak, zoruan bermatzen ez diren musika-tresnen soinuak, telebistak… gela bateko aireko zarata eragin dezakete.
Egituraren bidez zabaltzen den zarata; adibidez, goiko solairuan takoiekin dabilen baten oinatza. Bi objektuk elkarren kontra talka egiten dutenean, dardara sortzen da, eta, dardara horrek eraikinaren egitura ukitzen badu, airetik baino are urrunago irits daiteke haren bidez.
Zabaltzen denean zaratak ingurunean eta jendearengan duen ondorioa. Zarata baten immisioaren intentsitatea soinu-iturritik dagoen distantziaren arabera dago.
Edozein egoeratan sortzen den eta ingurumenera edo espazio publikora zabaltzen den soinu-presioa.
Espazio nolabait itxi batean soinu batek duen indarra eta iraupena.
